லாவா பிளேஸ் AMOLED 2 ஸ்மார்ட்போன் அறிமுகம்: விலை, சிறப்பு அம்சங்கள் என்னென்ன? | lava blaze amoled 2 smartphone launched in india price features

சென்னை: லாவா பிளேஸ் AMOLED 2 ஸ்மார்ட்போன் இந்திய சந்தையில் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.

இந்தியாவை தலைமையிடமாகக் கொண்டு இயங்கி வருகிறது பன்னாட்டு எலக்ட்ரானிக்ஸ் நிறுவனமான லாவா இண்டர்நேஷனல். லாவா என்ற பெயரில் மொபைல் போன், ஸ்மார்ட்போன் உள்ளிட்டவற்றை இந்த நிறுவனம் உற்பத்தி, விற்பனை செய்து வருகிறது.

அந்த வகையில் இப்போது இந்திய சந்தையில் லாவா பிளேஸ் AMOLED 2 ஸ்மார்ட்போன் அறிமுகம் ஆகியுள்ளது. கருப்பு மற்றும் வெள்ளை என இரண்டு வண்ணங்களில் இந்த போன் வெளிவந்துள்ளது. ஆண்ட்ராய்டு இயங்குதள அப்டேட் மற்றும் செக்யூரிட்டி அப்டேட்களும் இதில் அறிவிக்கப்பட்டுள்ளன.

லாவா பிளேஸ் AMOLED 2 ஸ்மார்ட்போன் சிறப்பு அம்சங்கள் என்னென்ன?

• 6.67 இன்ச் FHD+ AMOLED டிஸ்பிளே
• மீடியாடெக் டிமான்சிட்டி 7060 சிப்செட்
• ஆண்ட்ராய்டு 15 இயங்குதளம்
• 6ஜிபி ரேம்
• 128ஜிபி ஸ்டோரேஜ்
• 50 மெகாபிக்சல் கொண்டுள்ளது பின்பக்கத்தில் கேமரா. அதில் சோனி ஐஎம்எக்ஸ்752 சென்சார் இடம்பெற்றுள்ளது
• 8 மெகாபிக்சல் கொண்டுள்ளது செல்ஃபி கேமரா
• 5ஜி நெட்வொர்க்
• யுஎஸ்பி டைப்-சி போர்ட்
• 5,000 mAh பேட்டரி
• 33 வாட்ஸ் அதிவேக சார்ஜிங் திறன் கொண்டுள்ளது
• இந்த போனின் விலை ரூ.13,499