பட்ஜெட் விலையில் ரியல்மி C71 ஸ்மார்ட்போன் இந்தியாவில் அறிமுகம்: சிறப்பு அம்சங்கள் என்னென்ன? | realme c71 smartphone launched in india at budget price specs
சென்னை: இந்தியாவில் ரியல்மி C71 ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம். ஏஐ அம்சங்களும் இந்த போனில் இடம்பெற்றுள்ளது.
உலக அளவில் ஆண்ட்ராய்டு போன்களை உற்பத்தி செய்து வரும் சீன எலக்ட்ரானிக் பொருட்கள் உற்பத்தி நிறுவனமான ரியல்மி நிறுவனம் அவ்வப்போது தங்கள் நிறுவன பயனர்களுக்காக புதிய அப்டேட்களுடன் கூடிய ஸ்மார்ட்போன்களை அறிமுகம் செய்வது வழக்கம்.
இந்த நிறுவனம் இந்தியாவில் பட்ஜெட் விலையில் போன்களை விற்பனை செய்து வருகிறது. சமயங்களில் ப்ரீமியம் ரக போன்களையும் வெளியிடும். ஒப்போவின் துணை நிறுவனமாக சந்தையில் களம் கண்டு, பின்னர் தனியொரு பிராண்டாக ரியல்மி உருவானது. தற்போது இந்தியாவில் பட்ஜெட் விலையில் ரியல்மி சி71 போனை அந்நிறுவனம் அறிமுகம் செய்துள்ளது. ரியல்மி C71 ஸ்மார்ட்போனின் சிறப்பு அம்சங்கள் என்னென்ன?
- 6.75 இன்ச் ஹெச்டி+ டிஸ்பிளே
- ஆண்ட்ராய்டு 15 இயங்குதளம்
- Unisoc T615 சிப்செட்
- 13 மெகாபிக்சல் கொண்டுள்ளது பின்பக்க கேமரா
- 5 மெகாபிக்சல் கொண்டுள்ளது செல்ஃபி கேமரா
- 4ஜிபி / 6ஜிபி ரேம்
- 64ஜிபி / 128ஜிபி ஸ்டோரேஜ்
- 6300mAh பேட்டரி
- 15 வாட்ஸ் சார்ஜிங் ஸ்பீடு
- டைப்-சி யுஎஸ்பி
- 4ஜி நெட்வொர்க்
- இரண்டு வண்ணங்களில் இந்த போன் வெளிவந்துள்ளது
- இந்த போனின் விலை ரூ.7,699 முதல் தொடங்குகிறது