கும்பமேளா குறித்து வீணான வதந்திகளுக்கு இடம் தரவேண்டாம்: உ.பி. முதல்வர் ஆதித்யநாத் வேண்டுகோள் | Yogi Adityanath Rumour Warning, Sangam Request After Maha Kumbh Stampede

பிரயாக்ராஜ்: உத்தர பிரதேச முதல்வர் யோகி ஆதித்​யநாத் சமூக வலை தளத்தில் வெளியிட்டுள்ள அறிக்கையில் கூறியிருப்பதாவது: மகா கும்பமேளா நிகழ்ச்சி யில் பங்கேற்க பக்தர்கள் பிரயாக்​ராஜுக்கு வாருங்கள். நீங்கள் இருக்கும் இடத்துக்கு அருகிலேயே உள்ள கங்கை படித்​துறையில் குளிக்​கலாம். திரிவேணி சங்கமத்​துக்கு வரவேண்டிய அவசியமில்லை.

நீங்கள் அனைவரும் மகா கும்பமேளா நிர்வாகத்தின் அறிவுறுத்​தல்​களைப் பின்பற்றி எங்களுக்கு ஒத்துழைக்க வேண்டும். சங்கமத்தின் அனைத்து படித்துறைகளிலும் பக்தர்கள் அமைதியான முறையில் குளித்து வருகின்றனர். வீணான வதந்தி​களுக்கும் இடம் தரக் கூடாது. இவ்வாறு அவர் கூறியுள்​ளார்.

உதவி எண் அறிவிப்பு: மகா கும்பமேளாவில் கலந்து கொள்ளும் பக்தர்களுக்கு உதவுவதற்காக உத்தராகண்ட் அரசு நேற்று கட்டணமில்லா உதவி எண்களை வெளியிட்டது. இதுதொடர்பாக முதல்வர் புஷ்கர் சிங் தாமி அலுவலகம் வெளியிட்ட அறிவிப்​பில், “உத்தா​ரகண்ட் மக்களுக்கு உதவும் வகையில் பிரயாக்ராஜ் மகா கும்பமேளாவில் கலந்து​கொண்டவர்களுக்கு கட்டணமில்லா எண்களை வெளியிட்​டுள்ளது. மாநிலத்​திலிருந்து மகா கும்பமேளா​வுக்குச் சென்ற​வர் கள் 1070, 8218867005, 90584 41404 என்ற கட்டணமில்லா எண்களை அழைப்பதன் மூலம் எந்த வகையான உதவியையும் பெறலாம்” என கூறப்பட்டுள்ளது.