ராணுவ அதிகாரிகளின் குடும்பத்தினரை சந்தித்த விஜய்! | Vijay met the families of army officers

நடிகரும் தமிழக வெற்றிக் கழகத் தலைவருமான விஜய், ஹெச்.வினோத் இயக்கும் படத்தில் நடித்து வருகிறார். இதில் பூஜா ஹெக்டே நாயகியாகவும் பாபி தியோல் வில்லனாகவும் நடிக்கின்றனர். இதன் படப்பிடிப்பு கடந்த 4-ம் தேதி முதல் நடந்து வருகிறது.

சமீபத்தில் சென்னை பரங்கிமலையில் உள்ள ராணுவ அதிகாரிகள் பயிற்சி மையத்தில் இதன் படப்பிடிப்பு நடந்தது. அப்போது அங்கு நடந்த நிகழ்ச்சியில் பங்குபெறுமாறு அவருக்கு அழைப்பு விடுக்கப்பட்டது. கடைசி நேரத்தில் இயக்குநர் ஹெச்.வினோத்துடன் நடிகர் விஜய் கலந்து கொண்டார். அவருக்கு சிறப்பான வரவேற்பு அளிக்கப்பட்டது. அங்கு ராணுவ அதிகாரிகள் மற்றும் அவர்களின் குடும்பத்தினரைச் சந்தித்து விஜய் உரையாடினார். இது தொடர்பான வீடியோ மற்றும் புகைப்படங்கள் சமூக வலைதளங்களில் வேகமாகப் பரவி வருகின்றன.