ஒப்போ Find X9 ஸ்மார்ட்போன் இந்தியாவில் அறிமுகம்: விலை, சிறப்பு அம்சங்கள் | oppo find x9 smartphone launched in india price specifications

சென்னை: ஒப்போ நிறுவனம் ஒப்போ Find X9 ஸ்மார்ட்போன் சீரிஸை இந்தியாவில் அறிமுகம் செய்துள்ளது. தற்போது ஒப்போ Find X9 புரோ மற்றும் Find X9 போன்கள் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.

செல்போன் மற்றும் எலக்ட்ரானிக் சாதன பொருட்களை உற்பத்தி செய்து, உலகம் முழுவதும் விற்பனை செய்து வருகிறது சீன தேச நிறுவனங்களில் ஒன்றான ஒப்போ. இந்நிறுவனத்தின் தயாரிப்புக்கு என இந்திய மக்களிடையே பிரத்யேக வரவேற்பு இருப்பது வழக்கம். அதன் காரணமாக அவ்வப்போது புதுப்புது மாடல்களை ஒப்போ அறிமுகம் செய்து வருகிறது.

அந்த வகையில் இப்போது ஒப்போ நிறுவனத்தின் சார்பில் Find X9 ஸ்மார்ட்போன் சீரிஸ் போன்கள் அறிமுகம் செய்யப்பட்டுள்ளது. ஒப்போவின் ப்ரீமியம் சீரிஸ் போனாக இது வெளிவந்துள்ளது. இதில் Find X9 போனின் சிறப்பு அம்சங்கள் என்னென்ன என்பதை பார்ப்போம்.

• 6.59 இன்ச் AMOLED டிஸ்பிளே
• மீடியாடெக் டிமான்சிட்டி 9500 சிப்செட் கொண்டுள்ளது இந்த போன்
• ஆண்ட்ராய்டு 16 இயங்குதளம்
• 12 / 16ஜிபி ரேம்
• 256 / 512ஜிபி ஸ்டோரேஜ்
• பின்பக்கத்தில் மூன்று கேமரா இடம்பெற்றுள்ளது. மூன்றும் 50 மெகாபிக்சலை கொண்டுள்ளது
• 32 மெகாபிக்சல் கொண்டுள்ளது செல்ஃபி கேமரா
• இரண்டு வண்ணங்களில் இந்த போன் வெளிவந்துள்ளது
• 7,025 mAh பேட்டரி இந்த போனில் இடம்பெற்றுள்ளது
• 80 வாட்ஸ் சார்ஜிங் திறன் கொண்டுள்ளது இந்த போன்
• 50 வாட்ஸ் வயர்லெஸ் சார்ஜிங் அம்சமும் இதில் உள்ளது
• 5ஜி நெட்வொர்க்
• யுஎஸ்பி டைப்-சி போர்ட்
• இந்த போனின் விலை ரூ.74,999 முதல் தொடங்குகிறது
• நவ.21 முதல் இந்த போனின் விற்பனை தொடங்குகிறது