விவோ வி50e ஸ்மார்ட்போன் இந்தியாவில் அறிமுகம்: விலை, சிறப்பு அம்சங்கள் | vivo v50e smartphone launched in india price specs
சென்னை: இந்திய ஸ்மார்ட்போன் சந்தையில் விவோ வி50e ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம். 5,600mAh கொண்ட போன்களில் மிகவும் ஸ்லிம்மான போனாக இது உள்ளது.
சீன தேசத்தின் ஸ்மார்ட்போன் உற்பத்தி நிறுவனமான விவோ, உலகம் முழுவதும் தனது பிராண்டின் கீழ் போன்களை உற்பத்தி செய்து, விற்பனை செய்யும் பணியையும் கவனித்து வருகிறது. அதனால் தனது வாடிக்கையாளர்களை கவரும் வகையில் அந்நிறுவனம் புதிய மாடல் போன்களை சந்தையில் அறிமுகம் செய்வது வழக்கம்.
அந்த வகையில் தற்போது விவோ வி50e ஸ்மார்ட்போன் இந்தியாவில் அறிமுகமாகி உள்ளது. கடந்த பிப்ரவரி மாதம் வி50 போனை விவோ அறிமுகம் செய்திருந்தது குறிப்பிடத்தக்கது. இரண்டு வண்ணங்களில் இந்த போன் வெளிவந்துள்ளது. சிறப்பு அம்சங்கள்:
- 6.77 இன்ச் AMOLED டிஸ்பிளே
- ஆண்ட்ராய்டு 15 இயங்குதளம்
- 50 மெகாபிக்சல் சோனி ஐஎம்எக்ஸ் 882 சென்சார் கொண்டுள்ளது பின்பக்கத்தில் உள்ள பிரதான கேமரா. அதோடு 8 மெகாபிக்சல் வொய்டு லென்ஸ் கேமராவும் இடம்பெற்றுள்ளது
- 4கே வீடியோ ஷூட் அம்சத்தை கேமரா கொண்டுள்ளது
- 50 மெகாபிக்சல் கொண்டுள்ளது முன்பக்க கேமரா
- ஏஐ ஸ்க்ரீன் டிரான்ஸ்லேஷன், லைவ் கால் டிரான்ஸ்லேஷன் போன்ற ஏஐ அம்சங்களையும் இந்த போன் கொண்டுள்ளது
- மூன்று ஆண்டுகளுக்கு ஆண்ட்ராய்டு உத்தரவாதம் அளிக்கப்பட்டுள்ளது
- 5,600mAh பேட்டரி
- 90 வாட்ஸ் ஃபிளாஷ் சார்ஜ் சப்போர்ட்
- 8ஜிபி ரேம்
- 128ஜிபி அல்லது 256ஜிபி ஸ்டோரேஜ்
- இந்த போனின் விலை ரூ.28,999 என அறிவிக்கப்பட்டுள்ளது