EBM News Tamil

காங்கிரஸ் அழிவுக்கு அவங்களேதான் காரணம்… வேறு யாரும் கிடையாது… புதுவை பாஜக தலைவர் பேச்சு!

0

புதுச்சேரி: புதுச்சேரி முதல்வர் நாராயணசாமியின் அதிருப்தியால் மேலும் 3 காங்கிரஸ் எம்.எல்.ஏக்கள் விலக தயாராக உள்ளனர் என்று புதுவை மாநில பாஜக தலைவர் சாமிநாதன் கூறியுள்ளார்.

உச்சநீதி மன்ற தீர்ப்பில் நியமன எம்.எல்.ஏக்களுக்கு வாக்களிக்கும் உரிமை உள்ளதாக தெளிவாக தெரிவிக்கப்பட்டுள்ளதால் கண்டிப்பாக நாங்கள் நம்பிக்கை வாக்கெடுப்பில் பங்கேற்போம் என்றும் அவர் கூறினார்.

புதுவையில் ஆட்சி அமைப்பது கோருவது தொடர்பாக பாஜக தேசிய தலைமைதான் முடிவு செய்யும் என்றும் சாமிநாதன் தெரிவித்துள்ளார்.

இந்தியாவின் யூனியன் பிரதேசங்களில் ஒன்றான புதுச்சேரியில் கடந்த சில நாட்களாக பெரும் அரசியல் குழப்பம் நிலவி வருகிறது. அடுத்தடுத்து காங்கிரஸ் எம்.எல்.ஏ.க்கள் ராஜினாமா செய்து வருவதால் முதல்வர் நாராயணசாமி அரசுக்கு பெரும் நெருக்கடி ஏற்பட்டுள்ளது. இந்தநிலையில் புதுவை காங்கிரஸ் கட்சியில் இருந்து மேலும் 3 எம்.எல்.ஏ.க்கள் பதவி விலகுவார்கள் என்று புதுவை மாநில பாஜக தலைவர் சாமிநாதன் கூறியுள்ளார்.

Leave A Reply

Your email address will not be published.